60-71-22
АНЫҚТАМА
109
CALL CENTER
А1 к., 5 құрылыс
ЖМ "Железнодорожный"
Астана қаласы «Еуразия» сауда орталығында Алматы ауданының әкімдігі, Қоғамдық денсаулық сақтау басқармасы, Салауатты өмір салтын қалыптастыру орталығы мен Туберкулез ауруына қарсы диспансердің қолдауымен Қоғамдық денсаулық сақтау департаменті ұйымдастырған туберкулезбен күрес айлығы аясында тамаша акция өткізді.
Халыққа әр түрлі іш-шаралар ұсынылды: туберкулез мәселелерін көтеретін керемет фото көрме. Біздің акциямыздың екінші бөлігі туберкулез ауруын ерте анықтауға арналды. Ол үшін жылжымалы флюрограф қойылды, флюрографиядан өтуге тілек білдіргендер көп болды, кәсіби мамандардың, фтизиатор дәрігерлердің кеңестері қол жетімді болды.
Біздің акциямыздың ұраны «Туберкулезді бірге жеңеміз!», «Бізге де туберкулезбен күреске үлесімізді қосатын кез келді» деген жазуы бар постерге барлық қатысушылар қол қойды.
Скрининг – бұл ерте анықталған жүрек-қан тамырларының патологиясын, күретамырлы қысымның көтерілуін, қант диабетін және глаукоманы, сондай-ақ ерте сатысында анықталған онкологиялық патологияны, жатыр мойыншығы обырын, сүт бездері обырын, колоректалды обырды жыл сайын медициналық профилактикалық тексеру. Сүт бездері обырын тексеруге 40 жастан 70 жасқа дейінгі әйелдер, жатыр мойыншығы обырына 30 жастан 50 жасқа дейінгі әйелдер, колоректалды обырды тексеру үшін 50 жастан 70 жасқа дейінгі ерлер мен әйелдер, ерте анықталған жүрек-қан тамырларының патологиясына қырықтан асқан азаматтар шақыртылады. Скринингтен өту - ерте анықталған барлық көрсетілген патологиялар үшін өте маңызды. Аталмыш процедура тегін жүргізіледі.
Л. Н. Гумилев атындағы Еуразия ұлттық университетінде "Алматы" ауданы әкімі аппаратының, "Нұр-Сұлтан қаласы қоғамдық денсаулық сақтау басқармасы" ММ "Нұр-Сұлтан қаласы туберкулезге қарсы диспансер" МКҚК, сонымен қатар Л. Н. Гумилев атындағы ЕҰУ қолдауымен Дүниежүзілік туберкулезбен күрес күніне арналған іс-шараға қатысқан қатысушыларды салтанатты түрде марапаттау рәсімі өтті.
Астана және Ақмола облысы ЖОО 1000 жуық белсенді студенттері "Қоғамдағы туберкулезге қатысты кемсітушілік: жеке және әлеуметтік қауіптілік" тақырыбында эссе жазу байқауына, "2022 жылға дейін туберкулезбен күрес жөніндегі БҰҰ жоғары деңгейдегі отырысы" тақырыбындағы жоба мен "Фотодауыс" көрмесін қарау нәтижесі бойынша әлеуметтік бейнеролик жасауға қатысты.
Іс-шараға 25 жұмыс ұсынылды. Ұйымдастыру комитетінің мүшелері қатысушыларға салауатты өмір салтын сақтауға және насихаттауға, туберкулезбен науқастанған тұлғаларға адамгершілікпен қарауға бағытталған белсенді азаматтық ұстанымдары үшін алғыс білдірді.
