"Қазақстанда туберкулез бизнестің дамуына қауіп төндірмейді"

Қазақстанда туберкулезді емдеуге болады: туберкулезді диагностикалаудың инновациялық жеделдетілген әдістері және оны халықаралық стандарттарға негізделген емдеу әрбір азаматқа тегін негізде қолжетімді.

2005 жылдан бастап 2014 жылға дейін туберкулезбен сырқаттанушылық көрсеткіші 54,9% - ға, өлім көрсеткіші 76,4% - ға төмендеді.

2014 жылы, 2013 жылмен салыстырғанда:

туберкулезбен сырқаттану көрсеткіші 9,5% - ға төмендеді.

өлім көрсеткіші 12,5% - ға төмендеді.

Туберкулезді диагностикалау мен емдеудің инновациялық әдістерінің барлық түрлері халықаралық стандарттарға негізделген.

Туберкулезбен ауыратын науқастардың 70% - дан астамы аурудың ерте сатысында, яғни жұқпалы кезеңге дейін анықталады.

Бактерия бөлетін барлық науқастар инфекция кезеңінде бактерия бөлу тоқтағанға дейін стационар жағдайында ем алады.

Қазақстанда көптеген дәрілерге көнбейтін туберкулезбен ауыратын науқастардың 99% – ы емдеумен қамтамасыз етілген, бұл Дүниежүзілік денсаулық сақтау ұйымының (бұдан әрі-ДДҰ) стандартынан 85% - дан асады.

ДДҰ – ның жыл сайынғы есебіне сәйкес біздің елімізде науқастардың осы санатын емдеудің тиімділігі әлемдегі ең жоғары болып табылады және 73,5% - ды құрайды (ДДҰ стандарты-75%).

2013 жылы туберкулезге қарсы қызмет бюджетінің көлемі 35,5 млрд.теңгені, 2014 жылы 36,2 млрд. теңгені, 2015 жылы 35,9 млрд. теңгені құрады.

ДДҰ-ның соңғы миссиясы барлық аспектілер бойынша ұлттық туберкулезге қарсы бағдарламаның жұмысын оң бағалады.

Қазақстанның ұлттық туберкулезге қарсы бағдарламасы посткеңестік кеңістіктегі елдер арасында ең тиімді бағдарлама ретінде бағаланды.